![بوكو اكس ستة](https://khbrgd.com/wp-content/uploads/2024/06/بوكو-اكس-ستة.png)
اخر هواتف شاومي في سلسلة البوكو Xiaomi Poco X6 والتي تم الإعلان عنه وهو الفرد الجديد اللي بينضم لسلسلة Poco المميزة جدا واللي بتجمع بين المواصفات القوية والسعر المقبول للمستخدمين واللي تراهن عليه الشركة وده اللي هيكسب إعجاب المستخدمين بفضل الأداء الممتاز والمواصفات العالية اللي بيقدمها مع الكثير من المميزات.
الموبايل بيجي بمعالج قوي جدا من نوع Snapdragon 7s Gen 2 واللي بيوفر أداء قوي وسريع وسلس في كل المهام ومع كل التطبيقات سواء في التصفح او حتى الألعاب أو تشغيل التطبيقات الثقيلة الخاصة بالمونتاج.
كما ان البطارية تأتي بسعة ضخمة وكبيرة تصل الي 5100 مللي أمبير، وبتدعم الشحن السريع بقوة 67 واط يعني تقدر تشحن البطارية بسرعة وتكمل يومك من غير ما تضطر تستنى فترة طويلة لحد ما التليفون يشحن.
نيجي لميزة تانيه قوي ومهمة جدا وهي الشاشة اللي بيقدمها الموبايل وهي من نوع أموليد وبتتميز بمعدل تحديث 120 هيرتز وبدقة 1.5K وده بيدي تجربة مشاهدة رائعة والوان ممتازة واستخدام سلس جدا، كمان الشاشة بتتميز بسطوع عالي، فهتقدر تشوف بوضوح حتى تحت ضوء الشمس المباشر.
نيجي بقا للكاميرات والتصوير في الموبايل فالهاتف مزود بكاميرا خلفية رئيسية بدقة 64 ميجا بيكسل، وبتدعم المثبت البصري (OIS)، وده معناه إنك هتقدر تاخد صور ثابتة وواضحة حتى لو إيدك بتتحرك شوية.
وخلينا بقا نتعرف على المواصفات سريعة للموبايل وأهم مميزاته وعيوبه بالتفصيل وهل الموبايل يستحق الشراء ام لا وماهي الأسعار المتوقعة للموبايل.
مواصفات سريعة للموبايل
- الشاشة: من نوع AMOLED وتأتي بمساحة 6.67 إنش بجودة FHD بمعدل كثافة بكسلات 446 بكسل لكل إنش مع معدل تحديث 120 هيرتز
- المعالج: ثماني النواة Snapdragon 7s Gen 2 تكنولوجيا 4 نانو
- الذاكرة: الموبايل مقدم بنسختين 256/512 جيجا بايت مع نسختين أيضا من الذاكرة العشوائية 8/12 جيجا بايت
- الكاميرا: خلفية ثلاثية 64+8+2 ميجا بكسل والكاميرا الامامية 16 ميجا بكسل.
- البطارية: 5100 مللي امبير
- نظام التشغيل: اندرويد 13 مع واجهة MIUI 14
![شاومي بوكو اكس 6](https://khbrgd.com/wp-content/uploads/2024/06/شاومي-بوكو-اكس-6.png)
مميزات موبايل Xiaomi Poco X6
- يتميز الموبايل بوزن خفيف نسبيا حوالي 181 جرام وده بيخليه مريح في اليد وسهل الاستخدام لفترات طويلة من غير ما تحس بتعب.
- الموبايل مقاوم لقطرات الماء الخفيفة بشهادة IP54 ويعني ان الموبايل ممكن يتحمل شوية رذاذ أو مطر خفيف، وده بيديك راحة أكبر في استخدام الهاتف في الظروف العادية من غير ما تقلق من تعرضه للماء.
- بالنسبة لمتانة الجوال فيأتي مصنوع من البلاستيك وده بيخليه خفيف وفي نفس الوقت متين ومقاوم للصدمات اليومية الخفيفة.
- شاشة الجوال تأتي بتصميم الثقب في منتصف الشاشة وده بيدي مظهر عصري وأنيق للهاتف وكمان بتيجي من نوع AMOLED، بمساحة كبيرة 6.67 إنش، وبتوفر دقة عالية جدا 1220×2712 بكسل مع معدل كثافة بكسلات 446 بكسل لكل إنش ده معناه إنك هتحصل على تفاصيل واضحة جدا وصور نابضة بالحياة.
- الشاشة كمان بتيجي بمعدل تحديث 120 هيرتز وده بيوفر تجربة استخدام سلسة وسريعة سواء كنت بتتصفح او حتى بتلعب ألعاب حربية أو بتشاهد فيديوهات وده بيضمن لك ألوان غنية وتباين عالي في المحتوى المدعوم.
- ولم تغفل الشركة عن حماية الشاشة حيث تم تزويدها بطبقة حماية من نوع Corning Gorilla Glass Victus، ودي بتوفر مقاومة ممتازة للخدوش والصدمات.
- وبالنسبة الي استخدام الموباي في اشعة الشمس او الشارع فشاشة الموبايل بتيجي بسطوع عالي يصل إلى 1800 شمعة، وده معناه إنك هتقدر تشوف الشاشة بوضوح حتى تحت ضوء الشمس المباشر، مما يجعلها مثالية للاستخدام في أي ظروف إضاءة.
- يأتي الموبايل بنسختين من ذاكرة التخزين بسعة 256 / 512 جيجا بايت من نوع UFS 2.2 مع ذاكرة عشوائية بنسختين بسعة 8 / 12 جيجا بايت
- وبالنسبة بقا للمعالج وعتاد الموبايل مزود بمعالج Snapdragon 7s Gen 2 من شركة كوالكم، اللي بتقنية 4 نانومتر، وهو معالج قوي يوفر أداء سلس وفعالية في استهلاك الطاقة
- كما يتميز المعالج بأداء رسومي ممتاز من خلال معالج الرسوميات اللي من نوع Adreno 710 والذي يساعد في تشغيل الألعاب وتجارب الوسائط بسلاسة وبجودة عالية.
- والكاميرا الخلفية ثلاثية الكاميرا الرئيسية منها بدقة 64 ميجا بيكسل وهي العدسة الأساسية التي تقدم تفاصيل دقيقة ووضوح مذهل.
- وتأتي هذه العدسة بفتحة عدسة F/1.8 مما يسمح بدخول كمية كبيرة من الضوء وتحقيق صور مشرقة وحية حتى في ظروف الإضاءة الصعبة ولا تنسى دعم المثبت البصري OIS الذي يضمن عدم وجود اهتزازات خلال التقاط الصور والفيديو.
- الكاميرا الثانية فتأتي بدقة 8 ميجا بيكسل وتستخدم لالتقاط صور بزاوية واسعة، وتسمح لك بإلتقاط المناظر الواسعة والمناظر الطبيعية بشكل ممتاز، والكاميرا الثالثة فهي بدقة 2 ميجا بيكسل وتستخدم لالتقاط الصور القريبة بتقنية الماكرو، مما يسمح لك بالتقاط التفاصيل الدقيقة للأشياء الصغيرة.
- وبالنسبة الي تصوير الفيديوهات فيدعم الهاتف تصوير الفيديو بجودة 4K بمعدل التقاط 30 إطارا في الثانيةمما يمنحك تجربة تصوير مذهلة بجودة عالية الوضوح في كل الظروف من خلال الكاميرا الخلفية.
- هاتف Xiaomi Poco X6 بيتميز بدعمه لخاصية الـ NFC، واللي بتسهل عليك عملية الدفع الإلكتروني بدون تلامس، يعني تقدر تدفع بكل سهولة وأمان بمجرد تقريب الهاتف من جهاز الدفع.
- كمان الموبايل بيدعم خاصية الـ IR Blaster ودي ميزة ممتازة بتخليك تستخدم الهاتف كريموت كنترول للأجهزة المنزلية زي التليفزيون، وأجهزة التكييف، وغيرها من الأجهزة اللي بتشتغل بالريموت.
- الخاصية دي بتكون مفيدة جدا لو ريموت الكنترول بتاعك ضاع أو بطاريته خلصت، فبتقدر تتحكم في الأجهزة بسهولة من خلال هاتفك.
- الموبايل كمان بيدعم ميكروفون إضافي لعزل الضوضاء، وده بيساعد في تحسين جودة المكالمات الصوتية عن طريق تقليل الضوضاء المحيطة وتقديم صوت نقي وواضح للشخص الذي تتحدث اليه
- كمان الهاتف بيدعم مدخل سماعات الاذن التقليدي 3.5 ملم وده بيسمح لك باستخدام السماعات السلكية التقليدية بدون الحاجة لاستخدام محولات أو ملحقات إضافية وده بيكون مريح جدا وغير مكلف لو بتحب تستخدم السماعات السلكية المفضلة لديك.
- بالنسبة للتجربة الصوتية في الموبايل فالسماعات الخارجية بتيجي بصوت ستيريو وده بيعني إنك هتحصل على تجربة صوتية أفضل من المعتاد. الصوت الستيريو بيقدم جودة صوت محيطية رائعة سواء كنت بتسمع أغاني او بتتفرج على أفلام أو بتلعب.
- كمان الجهاز بيدعم معظم المستشعرات الضرورية زي مستشعر التسارع ومستشعر التقارب والبوصلة، والجيرو سكوب. المستشعرات دي بتساعد في تحسين تجربة الاستخدام وتوفير وظائف متقدمة زي التحكم في الألعاب، تتبع الحركة، وتحديد الاتجاهات بشكل دقيق.
- شركة شاومى أطلقت موبايل Xiaomi Poco X6 واللي بيجي بمنفذ USB من نوع Type-C واللي بيوفر سرعة وأمان في نقل البيانات وشحن البطارية بطريقة أسرع وده بيدعم كمان خاصية OTG (On-The-Go)، ودي بتخليك تقدر توصل الأجهزة الخارجية زي الفلاشات، الكيبورد، والماوس مباشرة على الهاتف وتستخدمها بسهولة.
- وكمان البطارية في الموبايل قوية وكبيرة بالنسبة للفئة السعرية وبتيجي بسعة 5100 مللي أمبير وده بيضمن لك استخدام لمدة طويلة بدون ما تحتاج تشحنه كتير.
- وكمان البطارية بتدعم الشحن السريع بقوة 67 واط، يعني تقدر تشحن البطارية بسرعة وترجع تستخدم الهاتف في وقت قصير، وده مفيد جدا في الأوقات اللي بتكون مستعجل فيها وعايز تشحن تليفونك بسرعة.
عيوب الموبايل
- البلاستيك المصنوع منه الموبايل سهل الخدش وتغير اللون الخاص به ان لم تكن تستخدم الموبايل بالجراب الخاص به وخصوصا الإطار الخاص بالجهاز.
- يدعم الموبايل درج شريحة ثنائي فيمكنك زيادة مساحة التخزين عن طريق إضافة بطاقة ذاكرة خارجية ولكن يتم ذلك عبر مشاركة مكان الشريحة الثانية
- الكاميرا السيلفي الخاصة بهاتف Xiaomi Poco X6 تأتي بدقة 16 ميجا بيكسل قد تكون جيدة في التقاط صور سيلفي عالية الجودة ولكن في الفيديوهات السيلفي 1080 فقط ولا يوحد ثبات جيد اثناء التصوير ولابد من تثبيت يديك اثناء التقاط سواء الصور او الفيديوهات
- موبايل Xiaomi Poco X6 لم يأتي بشكل مباشر بواجهة HyperOS بالرغم من ان شاومى وعدت بتوفير تحديث للهاتف في وقت قريب لتضمين هذه الواجهة.
سعر الموبايل
متوفر بأسعار متنوعة حسب البلد والنسخة فخلينا نشوف تفاصيل الأسعار حاليا:
- الأسعار العالمية:
- النسخة 256 جيجا مع 8 جيجا رام: بسعر 230 دولار أمريكي.
- النسخة 256 جيجا مع 12 جيجا رام: بسعر 250 دولار أمريكي.
- النسخة 512 جيجا مع 12 جيجا رام: بسعر 290 دولار أمريكي.
- الأسعار في مصر:
- النسخة 256 جيجا مع 12 جيجا رام: بسعر 16500 جنيه مصري (ضمان دولي).
- الأسعار في السعودية:
- النسخة 256 جيجا مع 12 جيجا رام: بسعر 1100 ريال سعودي.
- الأسعار في الإمارات:
- النسخة 256 جيجا مع 12 جيجا رام: بسعر 950 درهم إماراتي.
الأسعار دي بتوضح إن الجهاز بيقدم قيمة ممتازة مقابل السعر في مختلف الأسواق، سواء كنت بتدور على أداء قوي أو مساحة تخزين كبيرة. في مصر، النسخة المتاحة بتيجي بسعر 16500 جنيه مع ضمان دولي، في السعودية سعرها 1100 ريال، وفي الإمارات سعرها 950 درهم، وده بيبرز تنافسية الأسعار في المنطقة.
تقيمنا للهاتف
الموبايل بيقدم كما هو المعتاد من سلسلة البوكو الأداء القوي جدا فالمعالج المستخدم من شركة كوالكم من نوع Snapdragon 7s Gen 2 كما يأتي بشاشة قوية جدا من نوع أموليد والتي تأتي بدقة ممتازة 1.5K بسطوع عالي مع دعمها لمعدل التحديث الـ هيرتز وبطارية قوية وبسرعة شحن ممتازة
الكاميرا الخلفية الأساسية في هاتف Xiaomi Poco X6 بتقدم تجربة تصوير ممتازة، وده بفضل دعمها للمثبت البصري OIS المثبت البصري ده بيساعدك في التقاط صور واضحة وثابتة حتى لو كانت إيدك بتتهز شوية وأنت بتصور، وده مهم جدا خصوصا لو بتصور في ظروف إضاءة منخفضة أو أثناء الحركة
كمان السماعات الخارجية في الهاتف بتأتي بتقنية الصوت الستيريو، وده بيحسن تجربة الصوت بشكل كبير. الصوت الستيريو بيوزع الصوت على السماعتين، وده بيديك إحساس بالصوت المحيطي وكأنك في قاعة سينما، سواء كنت بتسمع موسيقى، بتتفرج على أفلام، أو بتلعب ألعاب
ولكن في المقابل الكاميرا السيلفي بدقة متوسطة وفي تلك الفئة السعرية وجودة التصوير الفيديوهات بالكاميرا الامامية ولا يوحد ثبات جيد اثناء التصوير ولا تزال الشركة تقدم الموبايل بواجهة التشغيل الأساسية القديمة ولا تستخدم بواجهة HyperOS بشكل مباشر ولكن وعدت شاومي بتحديث الهاتف في وقت قريب.